Overblog Follow this blog
Edit post Administration Create my blog

இலங்கை வெளிவிவகார அமைச்சு வேண்டுமென்றே திட்டமிட்ட வகையில் மக்களை பிழையாக வழிநடத்த முயற்சி!

இலங்கை வெளிவிவகார அமைச்சு வேண்டுமென்றே திட்டமிட்ட வகையில் மக்களை பிழையாக வழிநடத்த முயற்சிப்பதாக குற்றம் சுமத்தப்பட்டுள்ளது. ஐக்கிய நாடுகள் மனித உரிமைப் பேரவையின் உத்தேச தீர்மானம் குறித்த ஆவணம் சிங்கள மொழியிலும் ஆங்கில மொழியிலும் வெளிவிவகார அமைச்சின் இணைய தளத்தில் பிரசூரிக்கப்பட்டுள்ளது. இந்த பிரசூரத்தில் சிங்கள மொழி பெயர்ப்பில் வேண்டுமென்றே திட்டமிட்ட வகையில் சில விடங்களில் பிழையான வழிநடத்தல் மேற் கொள்ளப்பட்டுள்ளதாக கொழும்பில் சுட்டிக்காட்டப்பட்டுள்ளது.

உத்தேச தீர்மானத்தின் ஆறாம் மற்றும் எட்டாம் பந்திகள் மிக முக்கியமானவை எனவும், இவற்றின் ஆங்கில உள்ளடக்கத்திற்கும் சிங்கள மொழிபெயர்ப்பிற்கும் இடையில் முரண்பாட்டு நிலைமை காணப்படுவதாகவும் தெரிவிக்கப்பட்டுள்ளது. வெளிநாட்டு நீதவான்கள், சட்டத்தரணிகள், விசாரணையாளர்களின் பங்களிப்பு தொடர்பில் ஆங்கிலத்தில் குறிப்பிடப்பட்ட விடயம் திரிபுபடுத்தப்பட்டு சிங்களத்தில் வெளியிடப்பட்டுள்ளதாகத் தெரிவித்துள்ளது. குறிப்பாக, உள்ளகப் பொறிமுறைமை விசாரணைக்கு வெளிநாட்டு நீதவான்கள், சட்டத்தரணிகள் மற்றும் விசாரணையாளர்களின் பங்களிப்பிலான ஆலோசனைக் குழுவொன்று நிறுவப்படும் என சிங்கள மொழி பெயர்ப்பில் குறிப்பிடப்பட்டுள்ளது.

நியாயமான நம்பகமான விசாரணைப் பொறிமுறைமை என ஆங்கிலத்தில் குறிப்பிடப்பட்டுள்ள போதிலும், சிங்களத்தில் மரபு ரீதியான நீதிமன்ற செயற்பாடுகளின் ஓர் அங்கமாக என குறிப்பிடப்பட்டுள்ளதாக தெரிவிக்கப்பட்டுள்ளது. வெளிவிகார அமைச்சு வேண்டுமென்றே மக்களை திசை திருப்பும் வகையில் சிங்கள மொழி பெயர்ப்பு வெளியிடப்பட்டுள்ளதாகத் தெரிவிக்கப்பட்டுள்ளது.

Share this post

Repost 0
To be informed of the latest articles, subscribe: