Overblog
Follow this blog Administration + Create my blog
Lankatime   ලංකා වේලාව

புலிகள் மீளவும் தலை தூக்கியுள்ளனர் : லொஹான் ரத்வத்தே

November 14 2015 , Written by lankatime

புலிகள் மீளவும் தலை தூக்கியுள்ளனர் : லொஹான் ரத்வத்தே

ஜனாதிபதியின் தலைமையில் சுதந்திரக் கட்சியினால் தேர்தலில் வெற்றியீட்ட முடியாது போயுள்ளதாக கண்டி மாவட்ட ஐக்கிய மக்கள் சுதந்திரக் கூட்டமைப்பின் பாராளுமன்ற உறுப்பினர் லொஹான் ரத்வத்தே தெரிவித்துள்ளார். ஸ்ரீலங்கா சுதந்திரக் கட்சியை ஜனாதிபதி மைத்திரிபால சிறிசேனவே தோற்கடித்தார் என அவர் குற்றம் சுமத்தியுள்ளார். அவ்வாறான ஒருவரினால் கட்சியை வெற்றிப்பாதைக்கு இட்டுச்செல்ல முடியாது என அவர் குறிப்பிட்டுள்ளார். கட்சியின் அடிமட்ட ஆதரவாளர்கள் கட்சித் தலைமையின் மீது அதிருப்தி கொண்டுள்ளதாகத் தெரிவித்துள்ளார். சந்தர்ப்பம் வரும் வரையில் காத்திருக்குமாறு அவர் கோரிக்கை விடுத்துள்ளார். நாட்டின் நிலைமை அதிருப்தி அளிக்கும் வகையில் காணப்படுவதாகவும் யுத்த வெற்றி நிச்சயமற்றத்தன்மையை எதிர்நோக்கியுள்ளதாகவும் அவர் குறிப்பிட்டுள்ளார். புலிகள் மீளவும் தலைதூக்கத் தொடங்கியுள்ளனர் என அவர் குறிப்பிட்டுள்ளார். புலிச் சந்தேக நபர்கள் விடுதலை செய்யப்படக் கூடாது எனவும் அதனை எதிர்ப்பதாகவும் அவர் தெரிவித்துள்ளார்.

Read more

பாரிஸ் அடுத்தடுத்து துப்பாக்கிச்சூடு- குண்டுவெடிப்பு: 128 பேர் பலி

November 14 2015 , Written by lankatime

பாரிஸ் அடுத்தடுத்து துப்பாக்கிச்சூடு- குண்டுவெடிப்பு: 128 பேர் பலி
பாரிஸ் அடுத்தடுத்து துப்பாக்கிச்சூடு- குண்டுவெடிப்பு: 128 பேர் பலி
பாரிஸ் அடுத்தடுத்து துப்பாக்கிச்சூடு- குண்டுவெடிப்பு: 128 பேர் பலி
பாரிஸ் அடுத்தடுத்து துப்பாக்கிச்சூடு- குண்டுவெடிப்பு: 128 பேர் பலி
பாரிஸ் அடுத்தடுத்து துப்பாக்கிச்சூடு- குண்டுவெடிப்பு: 128 பேர் பலி
பாரிஸ் அடுத்தடுத்து துப்பாக்கிச்சூடு- குண்டுவெடிப்பு: 128 பேர் பலி

பிரான்ஸ் தலைநகர் பாரிஸ் நகரில் வெவ்வேறு இடங்களில் மர்ம நபர்கள் 7 இடங்களில் நடத்திய துப்பாக்கிச்சூடு மற்றும் குண்டு வெடிப்பு சம்பவங்களில் 158 பேர் பலியாயினர். பலர் காயமடைந்தனர். பிரான்ஸ் தலைநகர் பாரிஸ் நகரின் கிழக்குப்பகுதியில் பட்டாச்சான் என்ற சினிமா ஹால் உள்ளது . இங்கு துப்பாக்கியுடன் புகுந்த மர்ம மனிதன் திடீரென சரமாரியாக சுட்டான். பலர் அலறியடித்து ஓடினர். இந்த துப்பாக்கிச்சூட்டில் 26 பேர்பலியானதாக முதல்கட்ட தகவல்கள் தெரிவித்தன. பின்னர் 1128 ஆக பலி எண்ணிக்கை அதிகரித்தது.மேலும் 100 பேர் பிணைக்கைதிகளாக சிக்கியுள்ளனர்.

இந்தசம்பவம் நடந்த அதே நேரத்தில் மத்திய பாரிஸ் நகரில் உள்ள ரெஸ்டாரண்ட் ஒன்றில் துப்பாக்கியுடன் புகுந்த மர்ம மனிதன் நடத்திய துப்பாக்கிச்சூட்டில் 10-க்கும் மேற்பட்டோர் பலியாயினர். பின்னர் வடக்கு பாரிஸ் நகரில் உள்ள கால்பந்து மைதானத்தில் நடந்த குண்டு வெடிப்பு சம்பவம் என 7 இடங்களில் நடந்த குண்டுவெடிப்பில் 158பேர் பலியானதாக தகவல்கள் தெரிவிக்கின்றன. இது பயங்கரவாத தாக்குதல் என கூறப்படுகிறது. அடுத்தடுத்து நடந்த சம்பவம் பிரானஸ் நாட்டையே அதிர்ச்சிக்குள்ளாக்கியுள்ளது. பாரீஸ்நகரில் உள்ள மக்கள் பீதியில் உறைந்துபோய் உள்ளனர். இந்நிலையில் அங்கு 1500க்கும் மேற்பட்ட போலீசார் குவிக்கப்பட்டுள்ளனர். 5 பயங்கரவாதிகள் சுட்டுக்கொல்லப்பட்டனர். அமைச்சரவை கூட்டம் சம்பவம் நடந்ததையடுத்து பிரான்ஸ் அதிபர் பிராங்கோயிஸ் ஹோலாண்டே அமைச்சரவை கூட்டத்தைகூட்டி ஆலோசனை நடத்தினார். பிரான்ஸ் தலைநகரில் அடுத்தடுத்து 4 இடங்களில் குண்டுவெடிப்பு சம்பவங்கள் நடந்ததையடுத்து நாடு முழுவதும் அவசரநிலை பிரகடனம் செய்ய உத்தரவு பிறப்பித்தார் அதிபர் ஹோலாண்டே.

மேலும் சர்வதேச எல்லைகளை மூடவும் உத்தரவிட்டார். அமெரிக்க அதிபர் ஒபாமா கண்டனம்:அமெரிக்க அதிபர் ஒபாமா இச்சம்பவத்தை மனிததன்மையற்ற செயல் என தெரிவித்து கடும் கண்டனம் தெரிவித்துள்ளார். பிரதமர் மோடி வேதனை: குண்டுவெடிப்பு தாக்குதல் சம்பவத்தையடுத்து, பிரதமர் மோடி, டுவிட்டரில் பலியான குடும்பத்தினருக்கு தனது வேதனையை தெரிவித்ததோடு இச்சம்பத்திற்கு கடும் கண்டனம் தெரிவித்துள்ளார்.

Read more

நங்கூரமிடப்பட்டுள்ள எவன்கார்ட் ஆயுதங்கள் கடற்படைத்தளத்தில் சேமிக்கப்பட்டது!

November 14 2015 , Written by lankatime

 நங்கூரமிடப்பட்டுள்ள எவன்கார்ட் ஆயுதங்கள் கடற்படைத்தளத்தில் சேமிக்கப்பட்டது!

காலி துறைமுகத்தில் நங்கூரமிடப்பட்டுள்ள எவன்கார்ட் நிறுவனத்திற்கு உரித்தாக கண்டி கப்பலில் இருந்த ஆயுதங்கள் கடற்படைத்தளத்தில் சேமிக்கப்பட்டுள்ளது. அதே போல் மற்றைய கப்பலின் ஆயுதங்களும் கடற்படைத்தளத்தில் சேமிக்கப்படும் என கடற்படை ஊடக பேச்சாளர் கேப்டன் அக்ரம் அலெவ் எமது ஹிரு செய்திப்பிரிவுக்கு தெரிவித்திருந்தார். எனினும் இந்த செயன்முறை காரணமாக எவன்கார்ட் நிறுவனத்தின் ஊடாக மேற்கொள்ளப்படும் கடல் சார் பாதுகாப்பு நடவடிக்கைகளுக்கு எவ்வித இடையூறும் ஏற்படாது என கடற்படை பேச்சாளர் தெரிவித்திருந்தார்.

Read more

கட்சித் தலைமைக்கு தெரியாமல் கலந்துரையாட தடை!

November 14 2015 , Written by lankatime

கட்சித் தலைமைக்கு தெரியாமல் கலந்துரையாட தடை!

கட்சித் தலைமைக்கு தெரியாமல் கூட்டங்களையோ, கலந்துரையாடல்களையோ நடத்த வேண்டாம் என்று, சிறிலங்கா சுதந்திர கட்சியின் உறுப்பினர்களுக்கு, அதன் பொது செயலாளர் துமிந்த திஸாநாயக்கவினால் கடிதம் ஒன்று அனுப்பி வைக்கப்பட்டுள்ளது. சுதந்திர கட்சியியோ அல்லது சுதந்திர கூட்டமைப்போ அன்றி, முன்னாள் ஜனாதிபதி மகிந்த ராஜபக்ஷவின் ஆதரவில் நாடாளுமன்ற உறுப்புரிமையை பெற்ற சிலர் பொது எதிர்கட்சி ஒன்றை உருவாக்க முயற்சிகளை மேற்கொண்டு வருகின்றனர். இதன் காரணமாவே இந்த தீர்மானம் மேற்கொள்ளப்பட்டுள்ளதாக அமைச்சர் எஸ்.பி.திஸாநாயக்க தெரிவித்துள்ளார். அதேநேரம் சிறிலங்கா சுதந்திர கட்சியின் மத்திய செயற்குழு மற்றும் நிறைவேற்று சபையை விரைவில் கூட்டுவதற்கு ஜனாதிபதி மைத்திரிபால சிறிசேன தீர்மானத்துள்ளதாகவும் தெரிவிக்கப்படுகிறது. இதன்படி எதிர்வரும் செவ்வாய் கிழமை சுதந்திர கட்சியின் மத்திய செயற்குழுவும், எதிர்வரும் 20ம் திகதி கட்சியின் நிறைவேற்றுக்குழுவும் ஜனாதிபதியின் தலைமையில் நடைபெறவுள்ளது.

Read more

முன்னாள் தேசிய பாதுகாப்பு ஆலோசகர் எம்.கே.நாராயணன் மீது செருப்பு வீசிய ஒருவர் கைது!

November 5 2015 , Written by lankatime

முன்னாள் தேசிய பாதுகாப்பு ஆலோசகர் எம்.கே.நாராயணன் மீது செருப்பு வீசிய ஒருவர் கைது!

சென்னையில், முன்னாள் தேசிய பாதுகாப்பு ஆலோசகர் எம்.கே.நாராயணன் மீது செருப்பு வீசிய ஒருவர் கைது செய்யப்பட்டார். சென்னை ஆழ்வார்பேட்டை மியூசிக் அகடாமியில் நேற்று, 'தி இந்து'ஆங்கில நாளிதழ் சார்பில், 'இந்தியாவில் உள்ள இலங்கை அகதிகளின் எதிர்காலம்' என்ற தலைப்பில் கருத்தரங்கம் நடந்தது. அதில், இந்தியாவின் முன்னாள் தேசிய பாதுகாப்பு ஆலோசகர் எம்.கே.நாராயணன், என். ராம் உள்ளிட்டோர் பங்கேற்றனர். நேற்று இரவு, 9:00 மணியளவில், கூட்டம் முடிந்து, எம்.கே.நாராயணன், மேடையில் இருந்து இறங்கி, அரங்கில் நடந்து வந்தபோது, வாலிபர் ஒருவர், அவர் மீது செருப்பு வீச்சு நடத்தி தாக்குதலில் ஈடுபட்டார்.

செருப்பில் ஆணி பதிக்கப்பட்டு இருந்ததாகவும் கூறப்படுகிறது. ராயப்பேட்டை போலீசார் அந்த வாலிபரிடம் விசாரணை நடத்தினர். புதுக்கோட்டை மாவட்டத்தைச் சேர்ந்த பிரபாகரன், 35, என்பது தெரியவந்தது. ஆனால், அந்த நபர் அரங்கில் உள்ளே நுழைய, ராகவன் என்ற பெயரில் பதிவு செய்துள்ளார். அதனால், போலீசாருக்கு அந்த நபர் மீது சந்தேகம் எழுந்துள்ளது.மேலும் அந்த நபர் 'மே 17' இயக்கத்தைச் சேர்ந்தவராக இருக்க கூடும் என, போலீசார் சந்தேகிக்கின்றனர். போலீசார் அவரை கைது செய்து, தொடர்ந்து விசாரித்து வருகின்றனர். முன்னதாக, எம்.கே.நாராயணன் உள்ளிட்டோரை கைது செய்யக்கோரி, நாம் தமிழர் கட்சி, மே 17, தமிழர் விடுதலைக்கழகம் உள்ளிட்ட அமைப்புகளைச் சேர்ந்தோர் முற்றுகை போராட்டம் நடத்தினார். இதுதொடர்பாக, இரண்டு பெண்கள் உட்பட, 70 பேர் கைது செய்யப்பட்டு விடுவிக்கப்பட்டனர்.

முன்னாள் தேசிய பாதுகாப்பு ஆலோசகர் எம்.கே.நாராயணன் மீது செருப்பு வீசிய ஒருவர் கைது!
Read more

கனடாவின் புதிய பாதுகாப்பு அமைச்சராக இந்திய வம்சாவளி சீக்கியர்!

November 5 2015 , Written by lankatime

கனடாவின் புதிய பாதுகாப்பு அமைச்சராக இந்திய வம்சாவளி சீக்கியர்!

கனடா நாட்டின் பாதுகாப்பு அமைச்சராக இந்திய வம்சாவளியை சேர்ந்த ஹர்ஜித் சஜ்ஜன் என்ற சீக்கியர் பதவியேற்றுள்ளார். கனடா பாராளுமன்றத்துக்கு சமீபத்தில் தேர்தல் நடந்தது. அதில் விபரல் கட்சி அமோக வெற்றி பெற்றது. இந்த தேர்தலில் கனடாவில் வசிக்கும் 19 இந்தியர்கள் வெற்றி பெற்றுள்ளனர். அவர்களில் 18 பேர் பஞ்சாப் மாநிலத்தை சேர்ந்தவர்கள். இது கடந்த தேர்தலை காட்டிலும் மிகவும் அதிகமாகும். ஏனெனில் கடந்த தேர்தலில் 8 இந்தியர்கள் மட்டுமே வெற்றி பெற்றனர். இந்நிலையில், லிபரல் கட்சியை சேர்ந்த ஜஸ்டின் திருதியோ கனடாவின் 23-வது பிரதமராக நேற்று பதவியேற்று கொண்டார். அவருடன் அக்கட்சியை சேர்ந்த 30 அமைச்சர்களும் பதவியேற்றனர். அதில், நாடாளுமன்ற உறுப்பினராக தேர்வு செய்யப்பட்ட இந்தோ கனடியரான ஹர்ஜித் சஜ்ஜன் என்ற சீக்கியர் கனடாவின் புதிய பாதுகாப்பு அமைச்சராக பதவியேற்றார். இந்தியாவில் பிறந்த சஜ்ஜன் 5 வயதாக இருக்கும் போது தனது குடும்பத்துடன் கனடா சென்று அங்கு வசித்து வருகிறார் என்பது குறிப்பிடத்தக்கது.

Read more

சீனாவுடன் உறவுகள் அவசியம் : லக்ஸ்மன் யாபா அபேவர்தன!

November 5 2015 , Written by lankatime

சீனாவுடன் உறவுகள் அவசியம் : லக்ஸ்மன் யாபா அபேவர்தன!

சீனாவுடன் மிக நெருங்கிய தொடர்புகளைப் பேண அரசாங்கம் விரும்புவதாக நிதி ராஜாங்க அமைச்சர் லக்ஸ்மன் யாபா அபேவர்தன தெரிவித்துள்ளார். சீனாவுடன் நெருங்கிய பொருளாதார உறவுகளைப் பேண வேண்டிய அவசியம் குறித்து அவர் நேற்ற நாடாளுமன்றத்தில் சுட்டிக்காட்டியுள்ளார்.

உலகின் பலம்பொருந்திய நாடுகள் பல சீனாவுடன் நெருங்கிய உறவுகளைப் பேண வேண்டியதன் அவசியத்தை புரிந்து கொண்டுள்ளன. சீனாவில் ஸ்திரமான பொருளாதார நிலைமை பிராந்திய வலய நாடுகளுக்கு அவசியமானது. சீனாவுடனான உறவுகளை அரசாங்கம் விருத்தி செய்து கொள்ள விரும்புகிறது. சீனாவுடன் நீண்ட காலம் இடைவெளியைப் பேணி வந்த பிரித்தானியா கூட தற்போது நெருங்கிப் பழக ஆரம்பித்துள்ளது. இலங்கையின் முன்னெடுக்கப்பட்ட மிக முக்கியமான அபிவிருத்தித் திட்டங்களில் சீனா பங்களிப்பு வழங்கியுள்ளதாகவும் அவர் தெரிவித்துள்ளார்.

Read more

குமார் குணரட்னம் கேகாலையில் வைத்து கைது

November 5 2015 , Written by lankatime

குமார் குணரட்னம் கேகாலையில் வைத்து கைது

முன்னிலை சோசலிச கட்சியின் தலைவர் குமார் குணரட்னம் கேகாலையில் வைத்து கைது செய்யப்பட்டுள்ளார். கேகாலை அங்குருவெல்ல பகுதியில் வைத்து சற்று முன்னர் குமார் குணரட்னம் கைது செய்யப்பட்டுள்ளார். குடிவரவு குடியகழ்வு சட்டங்களை மீறிய குற்றச்சாட்டின் அடிப்படையில் கைது செய்யப்பட்டுள்ளார். குமார் குணரட்னம், அவுஸ்திரேலிய பிரஜை என்பது குறிப்பிடத்தக்கது. நாட்டை விட்டு வெளியேறுமாறு குடிவரவு குடியகழ்வுத் திணைக்களம் குமார் குணரட்னத்திடம் கோரியிருந்தது.

எனினும், தமக்கு இலங்கையில் அரசியல் செய்ய உரிமையுண்டு எனத் தெரிவித்து தொடர்ச்சியாக இலங்கையில் குணரட்னம் தங்கியிருந்தார். 1987-89ம் ஆண்டு தேர்தலின் போது குணரட்னம் திருகோணமலை மாவட்டத்தின் ஜே.வி.பி தலைவராக செயற்பட்டிருந்தார் என்பது குறிப்பிடத்தக்கது. 2011ம் ஆண்டில் அவர் ஜே.வி.பியிலிருந்து பிளவடைந்து அவுஸ்திரேலியாவிற்கு சென்றார். கடந்த ஜனவரி மாதம் 1ம் திகதி குமார் குணரட்னம் சுற்றுலா வீசாவின் அடிப்படையில் இலங்கைக்கு சென்றிருந்தார். 30 நாள் வீசா அடிப்படையில் அவர் இலங்கை சென்றிருந்தார்.

Read more

பக்க சார்பற்ற நீதிபதிகளை கொண்டு வந்தே விசாரணை செய்யவேண்டும் : விக்னேஸ்வரன்!

November 5 2015 , Written by lankatime

 பக்க சார்பற்ற நீதிபதிகளை கொண்டு வந்தே விசாரணை செய்யவேண்டும் : விக்னேஸ்வரன்!

பக்கசார்பற்ற நீதிபதிகளை வெளியில் இருந்து கொண்டு வந்து விசாரணைகளை மேற்கொண்டால் தான் பாதிக்கபப்ட்ட மக்களுக்கு நீதியை பெற்றுக்கொடுக்க முடியும் என தான் ஜப்பான் நாட்டு தூதுவருக்கு எடுத்து கூறியதாக வடமாகாண முதலமைச்சர் சி.வி.விக்னேஸ்வரன் தெரிவித்தார். யாழுக்கு விஜயம் மேற்கொண்ட இலங்கைக்கான ஜப்பான் நாட்டு தூதுவரான கெனிச்சி சுகனுமாவை வடமாகாண முதலமைச்சர் தனது அலுவலகத்தில் புதன்கிழமை சந்தித்து கலந்துரையாடினார். அச் சந்திப்பு தொடர்பில் ஊடகங்களுக்கு கருத்து தெரிவிக்கும் போதே முதலமைச்சர் அவ்வாறு தெரிவித்தார். மேலும் தெரிவிக்கையில், நெல்லை களஞ்சியப்படுத்தும் கட்டடம் ஒன்றினை ஜப்பான் நாட்டின் நிதி உதவியில் கிளிநொச்சியில் கட்டுவதாக கூறினார். வடமாகாணம் மீன் பிடி விவசாயம் என்பவற்றை ஒட்டித்தான் எமது கலாச்சாரம் பொருளாதாரம் இருப்பதாக எடுத்து கூறினேன் அதற்கு அவர் விசாயம் மீன் பிடி தொடர்பான ஆராய்ச்சிகள் செய்வதற்கு தாங்கள் நடவடிக்கை எடுக்க உள்ளதாகவும் கூறினார்.

வெளிநாட்டு நிறுவனங்கள் எம்முடன் கலந்தாலோசிக்காமல் திட்டங்களை மத்திய அரசுடன் கலந்தாலோசித்து முடிவெடுத்து நடைமுறைப்படுத்துகின்றார்கள். பின்னர் ஒரு திகதியில் அதனை ஆரம்பித்து வைக்குமாறு எம்மை அழைக்கின்றார்கள் நாமும் சென்று எதுவும் அறியாது ஆரம்பித்து வைக்கின்றோம் இவ்வாறன செயற்திட்டங்களை எம்முடன் கலந்தாலோசித்து வடக்கு மக்களுக்கு என்ன தேவை என்பதை கேட்டறிந்து எங்களையும் சேர்த்து கலந்துரையாட வேண்டும் என கோரி இருந்தேன். அது மத்திய மாகாணத்துடன் நீங்கள் பேசுங்கள் என கூறினார். சமாதானம் நல்லிணக்கம் பொருளாதார விருத்தி என்பது பற்றியும் கலந்துரையாடினோம் அதில் நான் நல்லிணக்கம் சம்பந்தமாக அவருக்கு கூறியது என்னவெனில் நல்லெண்ணத்தை வெளியில் இருந்து வந்து கொண்டுவந்து திணிக்க முடியாது. சிறையில் இருக்கும் அரசியல் கைதிகளை விடுவிப்பதற்கு அரசாங்கம் எவ்வளவு கஷ்டப்படுகின்றது.பத்தாயிரம் பேரை விடுவித்த போது எந்தவிதமான வன்முறைகளும் இடம்பெறவில்லை. ஜே.வி.யில் அத்தனை பேருக்கும் பொது மன்னிப்பு வழங்கப்பட்டது.ஆனால் தமிழ் அரசியல் கைதிகளை விடுவிப்பதில் தடங்கல் தாமதம் ஏற்படுவது எமக்கு வியப்பாக இருக்கின்றது. இவ்வாறன சிறுவிடயங்களில் விட்டுக்கொடுப்பு இருந்தாலே நல்லிணக்கத்திற்கு பயன் கிடைக்குமே தவிர , இவற்றை செய்யாது நல்லிணக்கம் நல்லிணக்கம் என பேசுவதில் எந்த அர்த்தமும் இல்லை என கூறினேன்.

உள்ளக விசாரணையால் பாதிக்கபப்ட்ட மக்களுக்கு நன்மை கிடக்கும் என அவர் கூறினார். அதற்கு நான் கூறினேன் அவ்வாறு நான் நினைக்கவில்லை என , அதற்கு காரணம் இந்த சட்டங்களை எவ்வாறு எமது நாட்டுக்கு ஏற்புடையாதாக கொண்டு வரபோகின்றோம் என்பது ஒரு பிரச்சனை. சென்ற காலத்தில் ஏற்பட்ட கலவரங்களில் பிழை செய்தவர்கள் தண்டிக்கப்படவில்லை, ஒரு நீதிமன்றத்தால் அவர்கள் குற்றவாளிகள் என இனம் காணப்பட்டாலும் மேல் முறையீடு மூலம் விடுதலை ஆகின்றார்கள். இப்படியான நிலையில் நாங்கள் யாரை வழக்கு தொடுநராக வைத்து இருக்க போகின்றோம் என்பது ஒரு கருத்து, என கூறினேன். அப்போது அவர் கேட்டார் உங்கள் நாட்டில் தமிழ் நீதிபதிகள் இல்லையா என , தமிழ் நீதிபதிகள் இருந்தாலும் அவர்கள் எல்லோரும் சரியான தீர்மானத்திற்கு வர முடியாது உள்ளது. அவர்களுக்கு பயம் பிடிக்கின்றது. நாங்கள் ஏதேனும் கூறி பின்விளைவுகளை சந்திக்க வேண்டி ஏற்பட்டு விடுமோ என்ற கருத்து சிறுபான்மை நீதிபதிகளிடம் உண்டு என கூறினேன். பக்க சார்பற்ற நீதிபதிகளை வெளியில் இருந்து கொண்டு வந்தால் தான் பாதிக்கப்பட்ட மக்களுக்கு நீதியை பெற்று கொடுக்கலாம் என்று அவர்களுக்கு நீதியை பெற்று கொடுக்காவிடின் அவர்களின் மனதில் எந்த காலத்திலும் சுமூகமான சூழலை ஏற்படுத்தாது என தான் கூறியதாக முதலமைச்சர் மேலும் தெரிவித்தார்.

Read more
1 2 > >>