ஜம்மு - காஷ்மீரில், எல்லை பாதுகாப்பு படை வாகனம் மீது, பயங்கரவாதிகள் நடத்திய தாக்குதலில், ராணுவ வீரர் ஒருவர் காயம் அடைந்தார்.ஜம்மு - காஷ்மீரில், மெஹபூபா முப்தி தலைமையிலான, மக்கள் ஜனநாயக கட்சி - பா.ஜ., கூட்டணி ஆட்சி நடக்கிறது.

குப்வாரா மாவட்டத்தில், பி.எஸ்.எப்., எனப்படும் எல்லை பாதுகாப்பு படையைச் சேர்ந்த வீரர்கள், வாகனம் ஒன்றில், நேற்று சென்றனர். அப்போது, அங்கு மறைந்திருந்த பயங்கரவாதிகள், அந்த வாகனம் மீது, துப்பாக்கியால் சரமாரியாக சுட்டனர்; இதில், வீரர் ஒருவர் காயம் அடைந்தார். பாதுகாப்பு படையினர் பதிலடி கொடுக்கவே, பயங்கரவாதிகள் தப்பியோடி விட்டனர்.

நோர்வேயில் பாரிய நிதி மோசடிகளில் ஈடுபட்ட குற்றச்சாட்டில் 76 இலங்கை தமிழர்கனை பொலிஸார் கைது செய்துள்ளனர். நோர்வேயில் பல்வேறு பகுதிகளிலும் வாழும் தமிழர்களின் அடையாளத்தை பயன்படுத்தி இவர்கள் நிதி மோசடியில் ஈடுபட்டதாக தெரிவிக்கப்பட்டுள்ளது.

இது குறித்து கருத்து தெரிவித்துள்ள நோர்வே அதிகாரிகள், துப்பரவு தொழில் செய்யும் 34 வயதுடைய பிரதான சந்தேகநபர் கடுமையாக உழைத்து முன்னேறிவரும் ஒருவராக தன்னை அடையாளம் காட்டி வந்துள்ளதாக தெரிவித்துள்ளனர். குறித்த நபர் 6 பேருடன் இணைந்து நோர்வேயில் வாழும் இலங்கை தமிழர்களின் அடையாளத்தை பயன்படுத்தி சுமார் 160 - 200 கோடி ரூபாய் வரையில் மோசடி செய்துள்ளதாகவும் அவர்கள் குறிப்பிட்டனர்.

மோசடி செய்த தொகை இதனை விட பலமடங்கு இருக்கலாம் எனவும் சந்தேகம் வெளியிட்டுள்ளனர். அத்துடன், மோசடியுடன் தொடர்புடைய அனைவரையும் அடையாளம் காண்பது கடினமான காரியம் எனவும் அந்நாட்டு அதிகாரிகள் குறிப்பிட்டுள்ளனர்.

தலைநகர் ஒஸ்லோவிற்கு அருகில் துப்பரவு தொழில் நிறுவனம் ஒன்றை நடத்தி வரும் இலங்கை தமிழ் ஒருவரின் ஆண்டு வருமானம் குறித்து 2014ஆம் ஆண்டு வருமான வரி திணைக்களத்தால் பொலிஸாருக்கு தகவல் வழங்கப்பட்டுள்ளது. இதனையடுத்து இலங்கையர் சிலரின் நடவடிக்கை மீது சந்தேகம் கொண்ட அந்நாட்டு பொலிஸார் கடந்த 2 ஆண்டுகளாக கண்காணித்து வந்துள்ளனர். இவர்களை கண்காணித்து வந்ததில் முக்கிய 6 நபர்கள் மற்றும் பல தமிழர்களின் பெயரில் இவ்வாறு மோசடிகளை செய்து சொகுசாக வாழ்வதும், இதன் பின்னால் உள்ள மோசடியும் கண்டுபிடிக்கப்பட்டது.

இதனிடையே, சில தமிழ் இளைஞர்கள் போதிய வேலை வாய்ப்பு இல்லாத காரணத்தினால் விரும்பியோ விரும்பாமலோ குறித்த நிறுவனங்களில் இணைந்து செயற்பட்டுள்ளதாகவும் அவர்கள் தெரிவித்துள்ளனர். இந்நிலையில், முக்கிய சந்தேக நபர்கள் கைது செய்யப்பட்டு தடுப்புக்காவலில் வைக்கப்பட்டுள்ளனர். மேலும் பலர் விசாரணைகளை எதிர்நோக்கியுள்ளனர் என அவர்கள் மேலும் தெரிவித்துள்ளனர்.

இதேவேளை, குறித்த சம்பவத்தையடுத்து சுமார் 7 இளைஞர்கள் தற்காலிக வேலை அனுமதியை இழந்துள்ளதுடன், புகலிடக்கோரிக்கை ஏற்றுக்கொள்ளப்படும் முன் இந்த மோசடி நிறுவனங்களில் வேலை செய்த பலரது அகதி விண்ணப்பங்கள் நிராகரிக்கப்பட்டுள்ளதாகவும் தகவல்கள் வெளியாகியுள்ளன.

சுதந்திரக் கட்சி ஆதரவாளர்களுக்கு பிரச்சினை ஏற்படுமானால் தாம் மஹிந்த ஆதரவு அணியுடன் கைகோர்க்கத் தயாராக இருப்பதாக அமைச்சர் விஜித் விஜிதமுனி சொய்சா நேற்று பாராளுமன்றத்தில் தெரிவித்தார்.

வரவு செலவுத்திட்ட விவாதத்தில் காணி அமைச்சு மீதான குழு நிலை விவாதத்தில் மஹிந்த ஆதரவு அணி முக்கியஸ்தரான மஹிந்தானந்த அலுத்கமகே தெரிவித்த கருத்துக்கு பதிலளித்த போதே அவர் இதனை குறிப்பிட்டார்.

விவாதத்தில் உரையாற்றிய மஹிந்தானந்த அலுத்கமகே எ, நல்லாட்சியில் சுதந்திரக் கட்சி ஆதரவாளர்களுக்கு எதிராக பல்வேறு ஒடுக்குதல்கள் மேற்கொள்ளப்படுவதாக குற்றஞ்சாட்டினார். நாவலப்பிடிய பிரதேசத்தில் ஆசிரியர்களுக்கு வீடு கட்ட வழங்கப்பட்ட காணியில் வீடுகள் கட்ட தடை விதிக்கப்பட்டுள்ளது. சுதந்திரக் கட்சி ஆதரவாளர்களுக்கு வீடுகட்டப்படுவதாக குற்றஞ்சாட்டியே இவ்வாறு செய்யப்பட்டுள்ளது. இது ஐ.தே.க அரசாங்கமல்ல. சுதந்திரக்கட்சியும் இணைந்த அரசாங்கம் இதற்கு அனுமதிக்க முடியாது.ஆளும் தரப்பிலுள்ள சுதந்திரக் கட்சி அமைச்சர்கள் இதனை அனுமதிக்கின்றனரா? என்றார்.

இதன் போது குறுக்கீடு செய்த அமைச்சர் விஜித முனித சொய்சா , அவ்வாறு ஏதும் பிரச்சினை இருந்தால் அதனை அனுமதிக்க முடியாது. உங்களுடன் கைகோர்த்து செயற்பட நாம் தயார்.சு.க ஆதரவாளர்களை தாக்குவதை அனுமதிக்க முடியாது என்றார்.

இதே வேளை,இந்த விவாதத்தில் கருத்துத் தெரிவித்த ஆனந்த அலுத்கமகே(ஜ.தே.க) எம்பி, மாணவர்கள் விளையாட ஒதுக்கப்பட்டிருந்த காணியை மஹிந்தானந்த தமக்கு நெருக்கமானவர்களுக்கு கொடுத்திருக்கிறார்.இதனை அனுமதிக்க முடியாது என்றார்.

ஓய்வுபெற்ற பின்னர் பொலிஸ் விஷேட அதிரடிப்படைக்கு சொந்தமான வாகனத்தை பயன்படுத்தியமையினால் சுமார் ஒரு இலட்சத்து 40 ஆயிரம் ரூபா வீணடிப்பு செய்த சம்பவம் தொடர்பில் விஷேட அதிரடிப்படையின் முன்னாள் கட்டளையதிகாரியான பிரதி பொலிஸ்மா அதிபர் கே.எல்.எம். சரத்சந்திர கைது செய்யப்பட்டுள்ளமை ஏற்றுக்கொள்ள முடியாது என ஜாதிக ஹெல உறுமய தெரிவித்துள்ளது.

பொலிஸ் விஷேட அதிரடிப்படையின் முன்னாள் கட்டளையதிகாரி மிக திறமையான அதிகாரி என்பதுடன் தேசிய பாதுகாப்பு மற்றும் முக்கிய பிரமுகர் பாதுகாப்பு பிரிவில் செயற்பட்டு நாட்டிற்கு சேவையாற்றியுள்ளதாகவும் ஜாதிக ஹெல உறுமய வெளியிட்டுள்ள அறிக்கையில் குறிப்பிடப்பட்டுள்ளது.

அந்த அறிக்கையில் மேலும் குறிப்பிடப்பட்டுள்ளதாவது, நாட்டில் போர் இடம்பெற்ற காலப்பகுதியில் கிழக்கின் பாதுகாப்பு தொடர்பில் செயற்பட்டது மாத்திரம் அன்றி தேசிய பாதுகாப்பு மற்றும் முக்கிய பிரமுகர்கள் பாதுகாப்பு தொடர்பில் திறமையாக செயற்பட்டு பாரிய சேவையினை முன்னெடுத்தவர். நாட்டின் தேசிய பாதுகாப்பு தொடர்பிலும் முக்கிய பிரமுகர்கள் பாதுகாப்பு தொடர்பிலும் பாரிய சேவையாற்றியவரை பொலிஸ் திணைக்களத்திற்கு சொந்தமான வாகனத்தை பயன்படுத்தியமை தொடர்பில் சிறையிட்டமை ஆச்சரியமிக்க ஒரு விடயமாகும்.

நாட்டில் போர் வெற்றிக்கு மறைந்துக் கொண்டு தேசப்பற்றாளராக காட்டிக் கொண்டு பல கோடி ரூபா தேசிய நிதியை சூரையாடியுள்ளனர். மோசடியான அரசியல்வாதிகள் சுதந்திரமாக ஊடகங்கள் முன் வீராப்பு பேசுகையில், இவ்வாறான சிறிய சம்பவங்களுக்கு குறித்த அதிகாரியை சிறை வைத்தமையை மக்கள் அனுமதிக்க மாட்டார்கள் என அந்த அறிக்கையில் மேலும் தெரிவிக்கப்பட்டுள்ளது.

பிரதமர் நரேந்திர மோடி பகிரங்கமாக மன்னிப்பு கோர வேண்டும் என வலியுறுத்தி எதிர்க்கட்சிகள் கடும் அமளியில் ஈடுபட்டதால், நாடாளுமன்றம் தொடர்ந்து 7-வது நாளாக முடங்கியது.

இரு அவைகளும் நாள் முழுவதும் ஒத்திவைக்கப்பட்டதால் முக்கிய அலுவல் பணிகள் பாதிக்கப்பட்டன.மோடி அதைப்பற்றி கவலை கொள்ளவில்லை!

ரூபாய் நோட்டுகள் வாபஸ் பெற்ற விவகாரம் தொடர்பாக பிரதமர் நரேந்திர மோடி விளக்கம் அளிக்கக் கோரியும், வாக்கெடுப்புடன் கூடிய விவாதம் நடத்தக் கோரியும் எதிர்க்கட்சியினர் நாடாளுமன்றத்தில் தொடர்ந்து பிரச்சினை எழுப்பி வருகின்றனர். இதனால் கடந்த 6 நாட்களாக நாடாளுமன்ற நடவடிக்கைகள் முற்றிலும் முடங்கியுள்ளது.

இந்த சூழலில் டெல்லியில் நடந்த ஒரு நிகழ்ச்சியில் பேசிய பிரதமர் மோடி, ‘‘முன்கூட்டியே தயாராவதற்கு அவகாசம் அளிக்காத காரணத்தினால் தான், எதிர்க்கட்சியினர் என்னை கடுமையாக விமர்சித்து வருகின்றனர். அவர்கள் அனைவரும் கறுப்புப் பணத்துக்கு ஆதரவானவர்கள்’’ என தெரிவித்தார்.

இதனால் கடும் ஆவேசம் அடைந்த எதிர்க்கட்சியினர் நேற்று நாடாளுமன்ற மக்களவை கூடியதும் இப்பிரச்சினையை எழுப்பிய காங்கிரஸ் தலைவர் மல்லிகார்ஜூன கார்கே, ‘‘எதிர்க்கட்சிகள் கறுப்புப் பணத்துக்கு ஆதரவு அளிக்கின்றன என பிரதமர் தெரிவித்திருப்பது ஏற்புடையதல்ல’’ என்றார்.

இதைத் தொடர்ந்து ஒட்டு மொத்த எதிர்க்கட்சியினரும் அவையின் மையப் பகுதிக்குச் சென்று பிரதமர் இதற்கு விளக்கம் அளிக்க வேண்டும் என முழக்கம் எழுப்பினர். மேலும், ‘‘துணிச்சல் இருந்தால் பிரதமர் மோடி மக்களவைக்கு வந்து பேசட்டும். எதற்காக நாடாளுமன்றத்துக்கு வெளியே இவ்வாறு கருத்து தெரிவிக்க வேண்டும்’’ என ஆவேசமாக குரல் எழுப்பினர்

இதனால் கடும் கூச்சல், குழப்பம் நிலவியதை அடுத்து 35 நிமிடங்கள் வரை சபாநாயகர் சுமித்ரா மகாஜன் அவையை ஒத்திவைத்தார். மீண்டும் கூடியபோதும் இதே நிலை நீடித்ததால் சபாநாயகர் சுமித்ரா மகாஜன் அவையை நாள் முழுவதும் ஒத்திவைத்தார்.

மாநிலங்களவையிலும் நேற்று இப்பிரச்சினை வலுவாக எதிரொலித்தது. அவை கூடியதும் முன்னாள் எம்பி தீபன் கோஷ் மறைவுக்கு மவுன அஞ்சலி செலுத்தப்பட்டது. பின்னர் பேசிய பகுஜன் சமாஜ் தலைவர் மாயாவதி, ‘‘எதிர்க்கட்சியினர் கறுப்புப் பணம் வைத்திருப்பதாக பிரதமர் நரேந்திர மோடி தவறாக குற்றம்சாட்டியுள்ளார். இதற்காக அவர் பகிரங்கமாக மன்னிப்பு கோர வேண்டும்’’ என்றார்.

எதிர்க்கட்சித் தலைவரான குலாம் நபி ஆசாத், ‘‘ரூபாய் நோட்டுகள் வாபஸ் தொடர்பாக நேற்று (நேற்று முன்தினம்) நடந்த விவாதத்தின்போது முன்னாள் பிரதமர் மன்மோகன் சிங் உள்ளிட்டோர் ஒட்டுமொத்த எதிர்க்கட்சிகளும் கறுப்புப் பணத்துக்கு எதிராக இருப்பதாக தெளிவாக விளக்கினர். அவ்வாறு இருந்தும் பிரதமர் நரேந்திர மோடி எப்படி இத்தகைய குற்றச்சாட்டை முன்வைக்கலாம். இதற்கு அவர் நிச்சயம் மன்னிப்பு கோரியே ஆக வேண்டும்’’ என்றார்.

ஐக்கிய ஜனதா தள தலைவர் சரத் யாதவ்வும் இந்த விவகாரத்தில் பிரதமர் மோடி மன்னிப்பு கோர வேண்டும் வேண்டும் என வலியுறுத்தினார். இதே போல் சமாஜ் வாதி, திரிணமூல் காங்கிரஸ் உட்பட பல்வேறு கட்சிகளைத் சேர்ந்த எம்பிக்களும் பிரதமர் மோடி மன்னிப்பு கோர வலியுறுத்தி கடும் அமளியில் ஈடுபட்டனர். இதைத் தொடர்ந்து நண் பகலுக்குள் இருமுறை அவை ஒத்திவைக்கப்பட்டது.

பின்னர் நண்பகலில் அவை கூடியபோது, கேள்வி நேரத்தை காங்கிரஸ் உறுப்பினர் வீணடிப்பதை ஏற்க முடியாது என மாநிலங்களவைத் தலைவர் அமீத் அன்சாரி தெரிவித்தார். அப்போது மீண்டும் பேச எழுந்த எதிர்க்கட்சித் தலைவர் குலாம் நபி ஆசாத், ‘‘ஒட்டுமொத்த எதிர்க்கட்சிகள் மீதும் மோசமான குற்றச்சாட்டை பிரதமர் மோடி முன் வைத்துள்ளார். இதைக் கேட்டுக் கொண்டு எங்களால் அமைதிகாக்க முடியாது. அவர் நிச்சயம் மன்னிப்பு கோர வேண்டும்’’ என்றார்.

அப்போது குறுக்கிட்ட நாடாளுமன்ற விவகாரத்துறை அமைச்சர் முக்தார் அப்பாஸ் நக்வி, எதிர்க்கட்சிகள் முதலில் மன்னிப்பு கேட்டால், பிரதமரும் மன்னிப்பு கேட்பார் என்றார். இதனால் ஆவேசமடைந்த எதிர்க்கட்சியினர் அவையின் மையப்பகுதிக்கு சென்று முழக்கம் எழுப்பினர். இதைத் தொடர்ந்து பிற்பகல் 2.30 மணி வரை அவை ஒத்தி வைக்கப்பட்டது. பின்னர் நாள் முழுவதும் அவை ஒத்திவைக்கப்பட்டது.

துணிச்சல் இருந்தால் பிரதமர் மோடி மக்களவைக்கு வந்து பேசட்டும். எதற்காக நாடாளுமன்றத்துக்கு வெளியே இவ்வாறு கருத்து தெரிவிக்க வேண்டும்’’ என ஆவேசமாக குரல் எழுப்பினர்

விதைத்தவன் உறங்கலாம்.ஆனால் விதைகள் ஒருபோதும் உறங்குவதில்லை’’

-பிடல் காஸ்ட்ரோ

கியூபா முன்னாள் அதிபர் பிடல் காஸ்ட்ரோ உடல்நலக்குறைவால் இன்று காலமானார்

கம்யூனிஸ்ட் புரட்சியாளரும் கியூபாவின் முன்னாள் அதிபருமான பிடல் காஸ்ட்ரோ இன்று காலமானதாக தகவல்கள் வெளியாகியுள்ளன. அவருக்கு வயது 90. கம்யூனிஸ தலைவர் பிடல் காஸ்ட்ரோ. கடந்த 2006ம் ஆண்டு மத்தியில் அவருக்கு திடீரென இரைப்பையில் கோளாறு ஏற்பட்டது. மிகவும் கவலைக்கிடமான நிலையில் இருந்த காஸ்ட்ரோ உயிர் மீண்டு வந்தார்

கியூபாவை ஏறத்தாழ அரைநூற்றாண்டு காலமாக 1959 முதல் 2008ம் ஆண்டு வரை ஆட்சி செய்தவர்,  அமெரிக்காவிற்கு சிம்ம சொப்னம்மாக இருந்தார் பிடல் காஸ்ட்ரோ,ஆரம்ப காலகட்டத்தில் பல வழிகளில் காஸ்ட்ரோவை கொலை செய்ய அமெரிக்கா முயற்சி செய்ததாக தகவல்கள் உண்டு. காஸ்ட்ரோவிற்கு உடல்நிலை பாதிக்கப்பட்டபோது அவரை உயிராய் நேசிக்கும் கியூபா மக்கள் கவலையில் ஆழ்ந்தனர். எனினும் அவரின் உடல்நிலை படிப்படியாகத் தேறியது.

இனியும் தன்னால் அதிபர் பதவியில் சிறப்பாகச் செயல்பட முடியாது என்று நினைத்த அவர் அதிபர் பதவியை தனது சகோதரர் ராவுல் காஸ்ட்ரோவிடம் கடந்த 2008-ம் ஆண்டு ஒப்படைத்தார். தற்போது அரசுக்குத் தேவையான ஆலோசனைகளை மட்டும் வழங்கி வந்தார். இந்த நிலையில் தனது 90வது வயதில் இன்று மரணமடைந்து விட்டதாக கியூபாவின் செய்தி நிறுவனங்கள் தகவல் தெரிவித்தது.

நாடு தற்பொழுது எதிர்கொண்டிருக்கும் நிலைமையை பார்க்கும் போது இராணுவ சதிப் புரட்சி ஏற்படுவதற்கான சாத்தியங்கள் உள்ளதாக கூட்டு எதிர்கட்சியின் நாடாளுமன்ற உறுப்பினர் தினேஷ் குணவர்த்தன எச்சரித்துள்ளார். ஸ்ரீலங்கா நாடாளுமன்றத்தில் வரவு-செலவுத்திட்டத்தின் குழு நிலை விவாதத்தின் முதலாம் நாள் விவாதத்தில் கலந்துகொண்டு உரையாற்றும் போதே தினேஸ் குணவர்தன இவ்வாறு தெரிவித்தார்.

அவரது இந்தக் கருத்தால் நாடாளுமன்றில் பெரும் குழப்பம் ஏற்பட்டது. ஜனாதிபதி மைத்ரிபால சிறிசேன நேற்று நாடாளுமன்ற கூட்டத்தொடரில் கலந்து கொண்டிருந்த நிலையிலேயே, இராணுவ சதிப் புரட்சியொன்று ஏற்படுவதற்கான சாத்தியக்கூறுகள் காணப்படுவதாக தினேஷ் குணவர்த்தன தெரிவித்தார். அவருடைய இந்தக் கருத்தைத் தொடர்ந்து ஆளும் கட்சி உறுப்பினர்கள் அவருக்கு எதிராக குரல் எழுப்பியதுடன், எதிர்த்தரப்பிலிருந்த ஒரு சில நாடாளுமன்ற உறுப்பினர்களும் பதிலுக்குக் குரல் எழுப்பியதால் சிறிது நேரம் சபையில் சலசலப்பு ஏற்பட்டது.

தினேஷ் குணவர்த்தன உரையாற்றிக் கொண்டிருக்கும் போது ஆளும் கட்சி உறுப்பினர்கள் இடையூறு ஏற்படுத்தும் வகையில் குரல் எழுப்பி வந்தனர். பொது எதிரணியினராகிய தமது உரிமைகள் நாடாளுமன்றத்தில் மறுக்கப்படுவதாகவும், உரிய நேரம் வழங்கப்படுவதில்லை என்றும் அவர் குற்றம்சாட்டினார்.

அமைச்சர் விஜித் விஜிதமுனி சொய்ஸா, பண்டாரநாயக்கவை கொலை செய்தவர்கள் சுதந்திரக் கட்சியினர் எனக் கூறியதை சுட்டிக்காட்டிய தினேஸ் குணவர்தன, தமது உரிமைகள் தொடந்தும் மறுக்கப்படுமானால், இராணுவ சூழ்ச்சிக்கான அச்சுறுத்தல்லொன்றை எதிர்கொள்ள நேரிடும் என்று எச்சரித்ததுடன், இந்த நிலைமையை புரிந்துகொண்டு செயற்பட வேண்டும் என்றும் கேட்டுக்கொண்டார்.

சபையில் இருந்த ஸ்ரீலங்கா ஜனாதிபதி மைத்திரிபால சிறிசேனவைப் பார்த்து தினேஸ் குணவர்தன கூறியதால் கொதித்தெழுந்த ஆளும் தரப்பு நாடாளுமன்ற உறுப்பினர்கள் தினேஸ் குணவர்தனவிற்கு எதிராக கோசமிட்டனர்.

இதேவேளை, ஜனாதிபதி முன்னிலையில் இராணுவ சூழ்ச்சி ஏற்படப் போவதாகக் கூறுவது அவரை அகௌரவப்படுத்துவதாக அமைந்திருப்பதாக தினேஷ் குணவர்த்தனவின் பின்னர் உரையாற்றிய பிரதி அமைச்சர் ரஞ்சன் ராமநாயக்க தெரிவித்தார். 2015 ஜனவரி 8ஆம் திகதி இரவு இராணுவப் சூழ்ச்சியொன்று மேற்கொள்வதற்கான திட்டங்கள் வகுக்கப்பட்டிருந்ததாகவும், அதில் தினேஷ் குணவர்த்தன உள்ளிட்ட பலர் தொடர்புபட்டிருந்தனர் என்றும் அவர் குற்றம்சாட்டினார்.

எனினும், இராணுவத்தினர் அதற்கு அடிபணியவில்லை என்று தெரிவித்த ரஞ்சன் ராமநாயக்க, இராணுவத்தினர் ஒருபோதும் இவ்வாறான சூழ்ச்சிகளுக்கு இணங்கப்போவதில்லையென்றும் தெரிவித்துள்ளார்.

முன்னாள் அமைச்சர் ஜீ.எல்.பீரிஸின் தலைமைத்துவத்தில் உருவாக்கப்பட்டுள்ள புதிய கட்சியின் தலைவர் பசில் அல்லவென, முன்னாள் ஜனாதிபதி மஹிந்த ராஜபக்ச தெரிவித்துள்ளார். புதிய கட்சியின் தலைவர் யார் என ஊடகவியலாளர்கள் வினவிய போதே அவர் இவ்வாறு குறிப்பிட்டுள்ளார்.

தனக்கு அந்த கட்சியில் அழைப்பு விடுக்கப்படவில்லை. தான் அந்த கட்சியில் இணைவதா இல்லையா என்பது தொடர்பில் இன்னமும் தீர்மானிக்கப்படவில்லை என மஹிந்த ராஜபக்ச குறிப்பிட்டுள்ளார். பசில் ராஜபக்ச குறித்து ஊடகவியலாளர்கள் மஹிந்தவிடம் வினவிய போது அதற்கு கடுமையாக மஹிந்த பதில் கூறியதாக கொழும்பு ஊடகம் ஒன்று தகவல் வெளியிட்டுள்ளது.