Overblog
Follow this blog Administration + Create my blog
Lankatime   ලංකා වේලාව

தென் சீனக் கடல் உரிமைகளை விட்டுக் கொடுக்க போவதில்லை : சீனா!

January 25 2017 , Written by lankatime

தென் சீனக் கடல் உரிமைகளை விட்டுக் கொடுக்க போவதில்லை : சீனா!

தென் சீனக்கடலிலுள்ள சர்வதேச கடல் பரப்புகளை அமெரிக்கா பாதுகாக்கும் என்று அதிபர் டிரம்பின் நிர்வாகம் உறுதிமொழி எடுத்திருப்பதை தொடர்ந்து, அந்த தென் சீனக் கடல் மீது தான் கோரும் உரிமைகளை விட்டுக் கொடுக்க போவதில்லை என்று சீனா தெரிவித்திருக்கிறது.

தென் சீன கடலிலுள்ள தீவுகள் மீதும், அதனை சுற்றிய பகுதிகளிலும் தாங்கள் மறுக்கமுடியாத இறையாண்மையை கொண்டிருப்பதாகவும், தன்னுடைய உரிமைகளையும் நலன்களையும் பாதுகாத்து கொள்வதில் உறுதியுடன் இருப்பதாகவும் சீன வெளியுறவு அமைச்சகத்தின் செய்தி தொடர்பாளர் ஹூவா சுன்யிங் கூறியிருக்கிறார்.

சீனா செயற்கையாக உருவாக்கி இருக்கும் தீவுகளை அணுகுவதில் இருந்து, அதனை அமெரிக்கா தடுக்க வேண்டும் என்று அமெரிக்க வெளியுறவு செயலராக நியமிக்கப்பட்டிருக்கும் ரெக்ஸ் டில்லர்சன் தெரிவித்திருக்கிறார்.

பல ஆசிய அண்டை நாடுகள் உரிமை கோரி வருகின்ற தென் சீன கடற்பகுதியில், ஏறக்குறைய அனைத்து பகுதிகளையும் தன்னுடையது என்று சீனா உரிமைகோரி வருகிறது,

Read more

10 கோடி பெறுமதியான வலம்புரிச் சங்கை விற்பனை செய்ய முயன்ற 7 பேர் விசேட அதிரடிப்படையினரால் கைது

January 24 2017 , Written by lankatime

10 கோடி பெறுமதியான வலம்புரிச் சங்கை விற்பனை செய்ய முயன்ற 7 பேர் விசேட அதிரடிப்படையினரால் கைது
10 கோடி பெறுமதியான வலம்புரிச் சங்கை விற்பனை செய்ய முயன்ற 7 பேர் விசேட அதிரடிப்படையினரால் கைது
10 கோடி பெறுமதியான வலம்புரிச் சங்கை விற்பனை செய்ய முயன்ற 7 பேர் விசேட அதிரடிப்படையினரால் கைது

சுமார் 10 கோடி ரூபாய் பெறுமதியான வலம்புரிச் சங்கை விற்பனை செய்ய முயன்ற 7 பேரை மட்டக்களப்பு கல்குடாவில் வைத்து விசேட அதிரடிப்படையினர் கைது செய்துள்ளனர்.இச்சம்பவம் நேற்று மாலை இடம் பெற்றுள்ளது.

புலானாய்வு பிரிவினருக்கு கிடைத்த தகவலொன்றையடுத்து பொத்துவில் பாணமை சாஸ்திரவெல விசேட அதிரடிப்படை முகாம் பொறுப்பதிகாரி எம்.ஐ.இப்றாஹீம் தலைமையிலான விசேட அதிரடிப்படையினர் குறித்த நபர்களைக் கைது செய்துள்ளதுடன் வலம்புரி சங்கையும் கைப்பற்றியுள்ளனர்.

விசேட அதிரடிப்படை கிழக்குமாகாண சிரேஸ்ட பிரதி பொலிஸ்மா அதிபர் ஜி.எம்.ஆர்.லெத்தீபின் பணிப்புரையின் பேரில் அதிரடிப்படை உதவி பொலிஸ் அத்தியட்சகர் கேசர ரத்னவீரவின் வழிகாட்டலில் விசேட அதிரடிப்படை வீரர்கள் குழு சுற்றிவளைத்து நடாத்திய தேடுதலில் கல்குடா விஸ்ணுகோயில் வீதியில் வைத்து ,இவர்கள் கைது செய்யப்பட்டுள்ளனர்.

ஓன்றரை அடி நீளமான ,வ்வலம்புரி சங்கு மட்டக்களப்பு மாவட்ட வனஜீவராசிகள் பாதுகாப்பு திணைக்கள அதிகாரிகளிடம் ஒப்படைக்கப்பட்டது.

குறித்த வலம்புரி சங்கினையும் கைதுசெய்யப்பட்ட நபர்களையும் ,இன்று நீதிவான் முன்னிலையில் ஆஜர்படுத்தப்படவுள்ளதாக மாவட்ட வனஜீவராசிகள் பாதுகாப்பு திணைக்கள பொறுப்பதிகாரி என்.சுரேஸ்குமார் தெரிவித்தார்.

கைது செய்யப்பட்ட சந்தேநநபர்கள் மாத்தளை வாழைச்சேனை பொலநறுவை பிரதேசங்களைச் சேர்ந்தவர்கள் என்பது குறிப்பிடத்தக்கது.

Read more

மகிந்த ராஜபக்சவை அரசியலில் இருந்து நீக்குவதற்கு “றோ” அமைப்புக்கும் சி.ஐ.ஏ அமைப்பும் தொடர்பு: உதய கம்மன்பில!

January 24 2017 , Written by lankatime

மகிந்த ராஜபக்சவை அரசியலில் இருந்து நீக்குவதற்கு “றோ” அமைப்புக்கும்   சி.ஐ.ஏ அமைப்பும் தொடர்பு:  உதய கம்மன்பில!

மஹிந்தவை அரசியலில் இருந்து நீக்குவதற்கு இந்தியாவின் “றோ” அமைப்பு விடுத்துள்ள அழுத்தத்திற்கு அமெரிக்காவின் சி.ஐ.ஏ அமைப்பும் தொடர்புபட்டுள்ளதாக உதய கம்மன்பில தெரிவித்துள்ளார்.

ஜாதிக ஹெல உறுமய கட்சி அலுவலகத்தில் நேற்று இடம்பெற்ற ஊடகவியலாளர்கள் சந்திப்பின்போதே இதை தெரிவித்தார். தொடர்ந்து கருத்து தெரிவிக்கையில்,

இந்தியாவின் றோ அமைப்பு விடுத்துள்ள இந்த அழுத்தத்தை நிராகரித்தமையால் மஹிந்த ராஜபக்ஸவின் உயிருக்கு ஆபத்து ஏற்பட்டுள்ளதாகவும் குறிப்பிட்டுள்ளார்.

அரசாங்கம் தேர்தலை பிற்போடுவதற்கு தாம் தோற்று விடுவோம் என்ற பயமே காரணம் எனவும் அறிவித்துள்ளார்.

மஹிந்த தொடர்ந்து அரசியலில் இருப்பதே அரசுக்கு உள்ள பாரிய சவாலாகும். அரசாங்கம் எதிர்பார்க்காத ஒன்றை மஹிந்த செய்துள்ளார். இதை கவனத்தில் எடுத்து “மஹிந்த அரசியலில் இருந்து விலகினால் தமது வாரிசுகள் மீதுள்ள வழக்குகள் தள்ளுபடி செய்யப்படும்” என இந்தியாவின் றோ அமைப்பு அழுத்தத்தை பிரயோகித்தது.

எனினும் மஹிந்த இதற்கு சம்மதிக்கவில்லை. இதனால் அவரின் உயிருக்கு பாரிய ஆபத்து உள்ளது. இந்த அழுத்தத்திற்கு அமெரிக்காவின் சி.ஐ.ஏ அமைப்பும் சம்பந்தப்பட்டிருப்பதாகவும் குறிப்பிட்டார்.

நாட்டின் ஜனாதிபதி என்றுகூட பார்க்காமல் ஜோன் கெனடியை அமெரிக்காவின் சி.ஐ.ஏ அமைப்பு கொலை செய்தது என்பதையும் இதன்போது உதய கம்மன்பில சுட்டிக்காட்டினார்.

இந்த நிலையிலேயே அவருடைய உயிருக்கு பாரிய ஆபத்து உள்ளது. மஹிந்தவே இதை அடிக்கடி கூறி வருகின்றார். மஹிந்தவைப்போன்று திறமை மிக்கவர் கூட்டு எதிர்க்கட்சியில் வேறு எவரும் இல்லை. மஹிந்த இல்லையேல் எமக்கு பலமில்லை என்றும் அறிவித்துள்ளார்.

இவ்வாறு எமக்கு சிம்மசொர்ப்பனமாக மஹிந்த இருக்கின்றார். இதனால் இந்தியாவிற்கும் அமெரிக்காவிற்கும் மஹிந்தவின் உயிரை தவிற வேறு எதுவும் இல்லை எனவும் ஜாதிக ஹெல உறுமய கட்சியின் பொதுச் செயலாளரும் கூட்டு எதிர்க்கட்சியின் நாடாளுமன்ற உறுப்பினருமான உதய கம்மன்பில தெரிவித்துள்ளார்.

Read more

ஆட்சியை வீட்டுக்கு அனுப்பும் வரை நான் ஓயப் போவதில்லை: விமல் வீரவங்ச!

January 24 2017 , Written by lankatime

ஆட்சியை வீட்டுக்கு அனுப்பும் வரை நான் ஓயப் போவதில்லை: விமல் வீரவங்ச!
ஆட்சியை வீட்டுக்கு அனுப்பும் வரை நான் ஓயப் போவதில்லை: விமல் வீரவங்ச!

ஆட்சியை வீட்டுக்கு அனுப்பும் வரை நான் ஓயப் போவதில்லை அதற்காக உயிரை துறக்கவும் தயாராக இருக்கின்றேன் என நாடாளுமன்ற உறுப்பினர் விமல் வீரவங்ச தெரிவித்தார்.

மத்திய வங்கியில் இடம்பெற்ற பினைமுறிமோசடி தொடர்பிலான விவாதம் இன்று பாராளுமன்றத்தில் இடம் பெற்றது.

கடந்த ஆட்சி காலத்தில் அரச வாகனங்களை முறைக்கேடாக பயன்படுத்திய குற்றச்சாட்டு தொடர்பில் விமல் கைது செய்யப்பட்டு விளக்கமறியலில் வைக்கப்பட்டுள்ளார்.

எனினும் இன்றைய தினம் பாராளுமன்றத்திற்கு அனுமதியுடன் வருகைத் தந்து விவாத உரை நிகழ்த்தும் போதே அவர் இதனைத் தெரிவித்தார்.

தொடர்ந்து அங்கு அவர் கருத்து தெரிவிக்கையில்,

மத்திய வங்கியில் கோடிக்கணக்கான பணத்தினை கொள்ளையிட்டுள்ளது, இதற்கு நல்லாட்சியே முழுப்பொறுப்பும் ஏற்றுக்கொள்ள வேண்டும்.

ஆனால் அவற்றினை மூடி மறைத்து வருகின்றது. ரணில் விக்ரமசிங்கவிற்கும் இதற்கு தொடர்பு உண்டு, ஆனால் அரசு அவற்றை கண்டு கொள்ளவில்லை.

எவ்வாறாயினும் இந்த முறைகேடான ஆட்சியை வீட்டுக்கு அனுப்பாமல் விடமாட்டோம். ஆயிரம் சிறைச்சாலைகளில் அடைத்தாலும் நான் ஓயப்போவதில்லை.

அதேபோல ஆட்சியை கவிழ்ப்பதற்காக நான் என் உயிரை வேண்டுமானாலும் மாய்த்துக் கொள்ள தயாராக இருக்கின்றேன் எனவும் விமல் தெரிவித்தமை குறிப்பிடத்தக்கது.

Read more

லசந்தவைப் படுகொலை செய்தவரின் அடையாளங்களை வெளிப்படுத்த தயார்: மகிந்த ராஜபக்ச!

January 24 2017 , Written by lankatime

 லசந்தவைப் படுகொலை செய்தவரின் அடையாளங்களை வெளிப்படுத்த தயார்:  மகிந்த ராஜபக்ச!

சண்டே லீடர் ஆசிரியர் லசந்த விக்கிரமதுங்கவைப் படுகொலை செய்தவரின் அடையாளங்களை வெளிப்படுத்த தயார் என்று முன்னாள் ஜனாதிபதி மகிந்த ராஜபக்ச தெரிவித்துள்ளார். லசந்த விக்கிரமதுங்கவின் படுகொலை, முன்னாள் ஜனாதிபதி மற்றும் முன்னாள் பாதுகாப்புச் செயலருக்குத் தெரிந்தே நடந்தது என்றும், முன்னாள் பாதுகாப்புச் செயலரே இதற்குப் பொறுப்புக் கூற வேண்டும் என்றும், பீல்ட் மார்ஷல் சரத் பொன்சேகா கூறியிருந்தார்.

இந்தக் கொலை தொடர்பாக மகிந்த ராஜபக்ச மற்றும் கோத்தபாய ராஜபக்சவிடம் விசாரணை நடத்தப்பட வேண்டும் என்றும் அவர் கோரியிருந்தார்.

இதுகுறித்து கொழும்பு ஆங்கில நாளிதழ் ஒன்றுக்கு கருத்து தெரிவித்துள்ள முன்னாள் ஜனாதிபதி மகிந்த ராஜபக்ச, லசந்த விக்கிரமைதுங்கவின் படுகொலைக்குப் பின்னணியில் இருந்தவர்கள் யார் என்று நாட்டு மக்களுக்கு நன்றாகத் தெரியும். இந்தக் கொலை தொடர்பாக குற்றப் புலனாய்வுப் பிரிவினர் என்னிடம் விசாரணை நடத்தினால், கொலையாளியின் அடையாளங்களை வெளிப்படுத்துவேன். சில தரப்பினர் விளைவுகள் அல்லது தீவிரத்தன்மையைப் புரிந்து கொள்ளாமல், இலகுவாக கருத்துக்களை வெளியிடுகின்றனர் என்று தெரிவித்துள்ளார்.

Read more

முப்படை வீரர்களுக்கான நவீன வசதிகள் கொண்ட கட்டிடங்கள்!

January 24 2017 , Written by lankatime

முப்படை வீரர்களுக்கான நவீன வசதிகள் கொண்ட கட்டிடங்கள்!

முப்படை வீரர்களுக்கான நவீன வசதிகள் கொண்ட கட்டிடங்கள் மற்றும் 'முப்படை வீரர்களுக்கான புதுப்பிக்கப்பட்ட வீடு' என்பவற்றின் திறப்புவிழா இராணுவத் தளபதி லெப்டினன்ட் ஜெனரல் கிரிஷாந்த டி சில்வர் தலைமையில் இடம்பெற்றது.

கற்றான போலகல பிரதேசத்தில் அண்மையில் இடம்பெற்ற முப்படை வீரர்களுக்கான நவீன வசதிகள் கொண்ட கட்டடிங்கள் திறந்துவைக்கப்பட்டது.


புதுப்பிக்கப்பட்ட பிரதான கட்டிடத்தில் விசாலமான சமையலறை, சாப்பாட்டு அறை, உடற்பயிற்சி மற்றும் மருத்துவ அறை ஆகியன உள்ளடங்கலாக புதிதாக திறந்துவைக்கப்பட்ட கட்டிடத்தில் நான்கு புதிய அறைகளும் உள்ளடக்கப்பட்டுள்ளதாக இராணுவ தகவல்கள் தெரிவிக்கின்றன.


இதேவேளை, முப்படை வீரர்களுக்கான குறித்த வீடு நீர்கொழும்பு நகரத்திலிருந்து 12 கிலோ மீட்டருக்கு அப்பால் இரண்டு ஏக்கர் காணியில் நிர்மாணிக்கப்பட்டுள்ளதுடன் 1850 ஆண்டு நிர்மாணிக்கப்பட்ட கட்டிடங்களும் இங்குள்ளமை குறிப்பிடத்தக்கது.


இங்கு வசித்துவரும் 22 முப்படை வீரர்கள் முப்படை தளபதிகள் மற்றும் நலன்விரும்பிகளின் உதவியுடன் முன்னாள் இராணுவ சங்கத்தினால் பராமரிக்கப்பட்டு வருகின்றமை குறிப்பிடத்தக்கது.

Read more

மட்டக்களப்பு மாவட்டத்திலிருந்து 534 பொலிஸாருக்கு இடமாற்றம்!

January 24 2017 , Written by lankatime

மட்டக்களப்பு மாவட்டத்திலிருந்து 534 பொலிஸாருக்கு இடமாற்றம்!

ஐந்து வருட சேவை இடமாற்றத்தின் அடிப்படையில் மட்டக்களப்பு மாவட்டத்திலிருந்து 534 பொலிஸாருக்கு நாட்டின் இதர பகுதிகளிலுள்ள பொலிஸ் நிலையங்களுக்கு இடமாற்றம் வழங்கப்பட்டுள்ளதாக மட்டக்களப்பு சிரேஷ்ட பொலிஸ் அத்தியட்சகர் தினேஸ் கருணானாயக்க தெரிவித்தார்.

மட்டக்களப்பு மாவட்டத்தின் பிரதான நகரப் பிரதேசங்களான மட்டக்களப்பு நகரம், ஏறாவூர், வாழைச்சேனை, காத்தான்குடி உள்ளிட்ட மாவட்டத்திலுள்ள 12 பொலிஸ் நிலையங்களில் கடமையாற்றிய 534 பொலிஸார் வழமையான இடமாற்றத்திற்கு உட்படுத்தப்படுத்தப்பட்டுள்ளதாக அவர் மேலும் தெரிவித்தார்.

ஆண் பெண் அதிகாரிகளான பிரதான பொலிஸ் பரிசோதகர்கள், பொலிஸ் பரிசோதகர்கள், பொலிஸ் சார்ஜன்ற், பொலிஸ் உத்தியோகத்தர்கள் வரை இந்த இடமாற்றம் வழங்கப்பட்டுள்ளது.

ஜனவரி மாத ஆரம்பம் தொடக்கம் இந்த இடமாற்றம் என்று அறிவிக்கப்பட்டிருந்தாலும் ஜனாதிபதியின் விஜயம் உள்ளிட்ட விடயங்களால் இந்த இடமாற்றம் ஜனவரி 16 இற்குப் பின்னர் இடம்பெற்று வருவதாக அவர் தெரிவித்தார்.

இதேவேளை நாட்டின் இதர பொலிஸ் நிலையங்களில் கடமையாற்றிய 534 பொலிஸார் மட்டக்களப்பு மாவட்டத்திற்கு இடமாற்றம் பெற்று வந்து விட்டதாகவும் அவர் தெரிவித்தார்.

Read more

பிள்ளையானின் விளக்கமறில் நீடிப்பு -15 மாதங்களாக நீடிக்கிறது விளக்கமறியல்!

January 24 2017 , Written by lankatime

பிள்ளையானின் விளக்கமறில் நீடிப்பு -15 மாதங்களாக நீடிக்கிறது விளக்கமறியல்!
பிள்ளையானின் விளக்கமறில் நீடிப்பு -15 மாதங்களாக நீடிக்கிறது விளக்கமறியல்!

தமிழ் தேசிய கூட்டமைப்பு நாடாளுமன்ற உறுப்பினர் ஜோசப் பரராஜசிங்கம் படுகொலை  குற்றச்சாட்டின் பேரில் பயங்கரவாத தடைச் சட்டத்தின் கீழ் கைதான கிழக்கு மாகாண முன்னாள் முதலமைச்சரான பிள்ளையான் என அழைக்கப்படும் சிவநேசதுரை சந்திகாந்தன் மீதான விளக்கமறியல் தொடர்ந்து நீடிக்கப்பட்டுள்ளது.

விளக்கமறியல் உத்தரவு மேலும் இரு வாரங்கள்   நீடிக்கப்பட்ட  நிலையில் 15 மாதங்களுக்கும் மேலாக விளக்கமறியலில் வைக்கப்பட்டுள்ளார்.

2015ம் ஆண்டு அக்டோபர் மாதம் 11ம் திகதி  கொழும்பிலுள்ள குற்றப்புலனாய்வு துறை தலைமையகத்திற்கு  விசாரனைக்காக அழைக்கப்பட்டு இவர் கைது செய்யப்பட்டிருந்தார். பின்னர் நீதி உத்தரவின் பேரில் விளக்கமறியலில் வைக்கப்பட்டுள்ளார்.

இன்று திங்கட்கிழமை மீண்டும் மட்டக்களப்பு மஜிஸ்திரேட் நீதிமன்றத்தில் மீண்டும்   முன்னிலைப்படுத்தப்பட்ட வேளை மாவட்ட நீதிவானும் நீதிவான் நீதிமன்ற மேலதிக நீதிபதியுமான எம்.முகைடீன் எதிர்வரும் 6ம் திகதி வரை விளக்கமறியல் நீடிப்பதற்கான உத்தரவை பிறப்பித்தார்.

இக் கொலை தொடர்புடைய ஏனைய சந்தேக நபர்களான அவரது கட்சியான தமிழ் மக்கள் விடுதலைப்புலிகளின் முன்னாள் தேசிய அமைப்பாளரான எட்வின் சில்வா கிருஸ்ணானந்தராஜா ( பிரதீப் மாஸ்டர் ) முன்னாள் உறுப்பினர்களான ரெங்கசாமி கனகநாயகம் ( கஜன் மாமா ) மற்றும் இராணுவ புலனாய்வில் பணியாற்றிய எம். கலீல் ஆகியோர் மீதான விளக்கமறியலும் அதே நாள் வரை நீடிக்கப்பட்டுள்ளது.

2005ம் ஆண்டு டிசம்பர் 25ம் திகதி மட்டக்களப்பு புனித மரியாள் பேராலயத்திற்குள் வைத்து நத்தார் நள்ளிரவு ஆராதனையின் போது ஜோசப் பரராஜசிங்கம் சுட்டுக் கொல்லப்பட்டார். சம்பவத்தில் அவரது மனைவி உட்பட சிலர் காயமடைந்திருந்தனர்.

கிழக்கு மாகாண முன்னாள் முதலமைச்சரான சிவநேசதுரை சந்திரகாந்தன் தன்னை பிணையில் அனுமதி கோரி மட்டக்களப்பு மேல் நீதிமன்றத்தில் சில மாதங்களுக்கு முன்னர் மனுவொன்றை தாக்கல் செய்திருந்தார்.

பயங்கரவாத தடைச்சட்டத்தின் கீழ் கைதான சந்தேக நபருக்கு பிணை வழங்க  மேல் நீதிமன்றத்திற்கு அதிகாரம் இல்லாத நிலையில் அம் மனு நிராகரிக்கப்பட்டதுடன் பிணை தொடர்பில் உச்ச நீதிமன்றத்தில் மனுதாக்கல் செய்யப்பட்டுள்ளமை குறிப்பிடத்தக்கது.

Read more

மஹிந்த ராஜபக்ஷவை சந்தித்த, சுதந்திரக் கட்சி முதலமைச்சர்களுடன் சந்திரிக்கா கலந்துரையாடல்!

January 24 2017 , Written by lankatime

 மஹிந்த ராஜபக்ஷவை சந்தித்த,  சுதந்திரக் கட்சி முதலமைச்சர்களுடன்  சந்திரிக்கா கலந்துரையாடல்!

முன்னாள் ஜனாதிபதி மஹிந்த ராஜபக்ஷவை சந்தித்த, ஸ்ரீலங்கா சுதந்திரக் கட்சி முதலமைச்சர்களுடன் முன்னாள் ஜனாதிபதி சந்திரிக்கா பண்டாரநாயக்க குமாரதுங்க கலந்துரையாடியுள்ளார்.

சந்திரிக்கா பண்டாரநாயக்க குமாரதுங்க,தொலைபேசியினூடாகவே முதலமைச்சர்களுடன் கலந்துரையாடினார் என மேல் மாகாண முதலமைச்சர் இசுறு தேவப்பிரிய தெரிவித்துள்ளார்.

ராஜபக்ஷ மற்றும் சுதந்திரக் கட்சியின் ஏழு முதலமைச்சர்கள் இடையே இடம்பெற்ற கலந்துரையாடல் தொடர்பில் நேற்றைய தினம்,சந்திரிக்காவுடன் விவாதிக்கப்பட்டுள்ளதாகவும் தெரிவிக்கப்பட்டுள்ளது.

ஸ்ரீலங்கா சுதந்திரக் கட்சிக்கு ராஜபக்ச ஆதரவை வழங்க வேண்டும் என மஹிந்தவுடனான சந்திப்பின் போது முதலமைச்சர்கள் வேண்டுகோள் விடுத்துள்ளனர் என குறிப்பிடப்பட்டுள்ளது.

மஹிந்தவுடனான சந்திப்பிற்கு, ஜனாதிபதி மைத்திரிபால சிறிசேன ஒப்புதல் வழங்கியிருந்தமை குறிப்பிடத்தக்கது.

Read more
<< < 1 2 3 4 5 6 7 8 9 10 > >>