காத்தான்குடி பகுதியில் இன்று அதிகாலை முதல் மேற்கொள்ளப்பட்ட சுற்றிவளைப்பின்போது பெருமளவான கணிணி உபகரணங்கள் மற்றும் சீடிக்கள் பொலிஸாரினால் கைப்பற்றப்பட்டுள்ளன.

நேற்று அதிகாலை முதல் காத்தான்குடி பகுதியில் பொலிஸார்,இராணுவத்தினர் விசேட அதிரடிப்படையினர் விசேட தேர்தல் நடவடிக்கைகளை முன்னெடுத்தனர்.

இதன்போது பள்ளிவாயல்கள் மற்றும் சில பாடசாலைகள்,வீடுகளில் சந்தேகத்திற்கிடமான முறையில் இருந்த பெருமளவு கணிணிகள் பொலிஸாரினால் கைப்பற்றப்பட்டுள்ளன.

அத்துடன் மார்க்க விடயங்கள் தொடர்பான பல்வேறு சீடிக்களும் இதன்போது கைப்பற்றப்பட்டுள்ளதுடன் இது தொடர்பில் ஐந்து பேர் காத்தான்குடி பொலிஸாரின் கைதுசெய்யப்பட்டு விசாரணை செய்யப்பட்டுவருகின்றது.

 

 

 

 

 

 

 

இலங்கையில் சமூகவலைத்தளங்கள் மீதான தடையினை நீக்கப்பட்டுள்ளது.ஜனாதிபதி மைத்திரிபால சிறிசேன தொலைத் தொடர்பு ஆணைக்குழுவுக்கு விடுத்த பணிப்புரைக்கமைய இந்த தடை நீக்கப்பட்டுள்ளது.கடந்த 21 ஆம் திகதி நாட்டில் இடம்பெற்ற தற்கொலைத் குண்டுத் தாக்குதலை தொடர்ந்து சமூக வலைத்தளங்களினூடாக பரவிய பொய்யான வதந்திகள் மற்றும் சமூக வலைத்தளங்களை மையப்படுத்தி தீவிரவாதத்தை திணிக்கும் நடவடிக்கைகள் போன்ற காரணத்திற்காக ஜனாதிபதி மைத்திரிபால சிறிசேன சமூகவலைத்தள நடவடிக்கைகளை தற்காலிமாக நிறுத்தி வைத்தார்.

இந் நிலையிலேயே 8 நாட்களுக்குப் பிறகு ஜனாதிபதி இந்த பணிப்புரையினை விடுத்துள்ளார்.

நாட்டின் தற்போதைய நிலையை கருத்திற் கொண்டு புல்பேஸ் எனப்படும் முகத்தை முழுமையாக மறைக்கும் தலைக்கவச பயன்பாடு சில கட்டுப்பாடுகளுக்கு உட்படும் என போக்குவரத்து ராஜாங்க அமைச்சர் அஷோக் அபேசிங்க தெரிவித்துள்ளார்.

பாதுகாப்பு அமைச்சினால் விடுக்கப்பட்ட விஷேட வர்த்தமானி அறிவித்தலுக்கமைய முகத்தை முழுமையாக மறைக்கும் தலைக்கவச பயன்பாடு தொடர்பில் புதிய சட்டம் அறிமுகப்படுத்தப்பட்டுள்ளதாக அவர் குறிப்பிட்டுள்ளார்.

முகத்தை முழுமையாக மறைக்கும் ஆடை மற்றும் முகத்திரை தடை தொடர்பான விஷேட வர்த்தமானி அறிவித்தல் நேற்று இரவு வெளியானது.

முகத்தை முழுமையாக மறைக்கும் என்பதற்கான அர்த்தம், அவ்வாறான ஆடைகளை அணிந்து செல்லக் கூடாத பொது இடங்கள் உள்ளிட்ட சகல தகவல்களும் அந்த வர்த்தமானி அறிவித்தலில் குறிப்பிடப்பட்டுள்ளது.

அத்துடன் பயங்கரவாதம் என்பதற்கான அர்த்தம் தொடர்பிலும் அந்த வர்த்தமானியில் குறிப்பிடப்பட்டுள்ளது.

இதனிடையே, அடிப்படைவாத, மத ரீதியான பிரசாரங்களை ஊக்குவித்தல் மற்றும் வரவேற்றல் பயங்கரவாத செயற்பாடாக கருதப்படும் என அந்த அறிவித்தலில் குறிப்பிடப்பட்டுள்ளது.

தொடர் வெடிப்புச் சம்பவங்களுடன் தொடர்புடைய, தேடப்பட்டுவந்த லொறி ஒன்று இன்று சிக்கியுள்ளது.இந்த லொரி பொலன்னறுவை சுங்காவில பகுதியில் வைத்து கண்டுபிடிக்கப்பட்டுள்ளதாக பொலிஸ் ஊடக பிரிவு தெரிவித்துள்ளது.

குறித்த லொறியுடன் 3 சந்தேகநபர்களும் பொலிஸாரால் கைது செய்யப்பட்டுள்ளனர்.EP – PX 2399 என்ற இலக்கத் தகடு கொண்ட லொறி ஒன்றே இவ்வாறு பறிமுதல் செய்யப்பட்டுள்ளதாகவும் பொலிஸ் ஊடக பிரிவு தெரிவித்துள்ளது.இதேவேளை கொழும்பு , நீர்கொழும்பு மற்றும் மட்டக்களப்பு ஆகிய பகுதிகளில் மேற்கொள்ளப்பட்ட தற்கொலை குண்டுதாக்குதல்களை அடுத்து சந்தேகத்திற்கு இடமான வாகனங்கள் தொடர்பிலான தகவல்கள் வெளியிடப்பட்டது.

அத்துடன், அது தொடர்பிலான தகவல்களை அறியத்தருமாறு பொலிசார் வேண்டுகோள் விடுத்திருந்தனர்.இந்த நிலையில், இலங்கையில் முன்னெடுக்கப்பட்டு வந்த சோதனை நடவடிக்கைகளக்கு அமைய தேடப்பட்டு வந்த ஐந்து வாகனங்கள் கண்டு பிடிக்கப்பட்டுள்ளது.

அதில் ஒரு லொறி இன்று பொலனறுவை பகுதியில் வைத்து பொலிஸாரால் மடக்கி பிடிக்கப்பட்டுள்ளதாக பொலிஸார் தெரிவித்துள்ளனர்.மேலும்,சந்தேகத்திற்கு இடமான மூன்று மோட்டார் சைக்கிள்கள் இதுவரையில் கைப்பற்றப்படவில்லையென்பதும் தெரியவந்துள்ளமை குறிப்பிடத்தக்கது.

சமயப் பிரச்சார பணிகளுக்கு வந்த இந்திய தவ்ஹீத் ஜமாத் உறுப்பினர்கள் 8 பேர் நேற்று கிண்ணியா பொலீசாரால் கைது செய்யப்பட்டுள்ளனர். மூதூர் நெய்தல் நகர், தாரிக் வீதியில் வீடொன்றை வாடகைக்கு எடுத்து தங்கியிருந்த இவர்கள் கையில் கடவுச்சீட்டு உட்பட எந்த ஆவணங்களும் இல்லையென கூறும் பொலிஸ் , கிராண்ட்பாஸ் இஸ்லாமிய நிலையம் ஒன்றின் ஊடாக இவர்கள் இலங்கை வந்துள்ளதாக தெரிவித்துள்ளது .கிண்ணியா பொலீசார் விசாரணைகளை நடத்தி வருகின்றனர்.